Miren Artetxe, Miren Amuriza eta Uxue Alberdi bertsolariak igoko dira Zestoako udaletxeko arkupeetako oholtzara datorren ostiralean, ekainak 14, 19:00etan hasita egingo den bertso saio musikatuan. Amaia Agirre bertsolaria izango da saioko gai jartzailea, eta bi musikarik jarriko diote musika ekitaldiari.
Ez da kasualitatea bertso saio musikatua umorea, jolasa, gogoeta, emakumeen arteko konplizitatea, musika eta bertsoa uztartzen dituen saioa da, antolatzaileen arabera. Haiek diotenez, ez da "kasualitatea" bertso saio bateko bertsolari guztiak eta gai jartzailea emakumeak izatea; saioko parte hartzaile guztiak emakumeak izatearen atzean "intentzio bat" dagoela diote, eta saioaren helburua horrelako ekitaldiak noizbait "edozein egunetan" eta "pentsatu gabe" egitea da.