Ekain Guraso elkarteak antolatutako atletismo topaketetako irudia.
Atletismo topaketen azken jardunaldia egingo dute Iraetako futbol zelaian, bihar, larunbata. Bertan benjamin eta alebin kategoriako neska-mutilek parte hartuko dute. Aurtengo hirugarren eta azken jardunaldia izango da biharkoa.
Joan den astean bezala, 09:30ean hasita, Zestoako eta Zumaiako ikastetxeetako neska-mutilek hainbat proba egingo dituzte: 60 metro, eta 60 metro hesiak, pisu jaurtiketa, altuera, jabalina jaurtiketa eta lasterketa luzea. Bukatzeko, erreleboen lasterketa egingo dute. Gainera, proba guztien amaieran, sari banaketa izango da.