Datorren igandean, hilaren 19an, euskal pentlatoia jokatuko dute Astigarragako Zamalbide auzoko Perurenako frontoian, eta norgehiagoka horretan lehiatuko dira Jagoba Otaegi eta Luis Txapartegi harri-jasotzaile eta aizkolari aizarnarrek. 15 aldiz 100 kiloko bola altxatzea, 400 kiloko harriarekin bi plaza osatzea; kanaerdiko enborra moztea; 50na kiloko txingekin sei plaza osatzea; eta kilometro bat korrika saioa. Lan horiek bete beharko dituzte 18:00etatik aurrera Perurenako frontoian jokatuko dute proban, eta Otaegi eta Txapartegirekin batera lehiatuko dira honako bost kirolari hauek: Beñat Amade, Joseba Otaegi eta Unai Ardeo Zaldua aizkolariak eta Iñaki Errazkin eta Xabier Ariztegi Santxin harri-jasotzaileak.
San Isidro festen barruan jokatuko dute txapelketa, eta ondoren, Emarri taldeak marka saiakera egingo du 600 kiloko harriarekin.