Datorren larunbatean, hilaren 11n, hasiko dira Zestoako Atletismo Taldeak urtero prestatzen dituen atletismo topaketak. Ohi bezala, datozen hiru larunbatetan Iraetako futbol zelaian elkartuko dira benjaminak, kimuak eta infantilak, 09:30etik aurrera.
Zestoako eta Zumaiako ikastetxeetako neska-mutilek parte hartuko dute jardunaldietan, eta horiek hainbat proba egingo dute, hala nola, lasterketa motzak eta luzeak, pisu jaurtiketa, xabalina probak, altuera jauziak eta hesi-lasterketak. Horrez gain, errelebo-lasterketekin amaituko dituzte saioak.