Kutxa Ekoguneak eta Zestoako Udalak Furgobaratza zerbitzua eskainiko dute datorren ostegunean Iraetan, hilaren 9an, eta horren barruan, lore jangarrien eta kimuen inguruko tailerra eskainiko dute auzoan dauden baratze publikoetan. Antolatzaileen esanetan, loreak eta kimuak gero eta gehiago erabiltzen dira sukaldaritzan, eta horiek nola erabili daitezkeen azalduko dute ikastaroan. 18:00etatik 20:00etara elkartuko dira baratzeetan, eta loreak eta kimuak dastatzeko aukera ere izango dute bertaratzen direnek. Doako saioa izango da.