Zestoako Udalak jakinarazi duenez, hauteskunde mahaietan zenbait aldaketa egin dute. Hain zuzen ere, apirilaren 28ko Espainiako Gorteetarako hauteskundeetan, Endoiako bizilagunek Zestoako mahaian eta Iraetakoek Arroagoiko mahaian eman beharko dute botoa. Aurrerantzean egingo diren bozetan ere gune horietan eman beharko dute botoa Iraetako eta Endoiako bizilagunek.
Zestoako Udalak azaldu duenez, Endoiako bizilagunek Arroagoiko mahaira joateko Zestoatik pasatu behar dute, eta Iraeta gertutago dago Arroagoitik Aizarnatik baino. Horregatik erabaki dute auzotar horiengandik gertuago dauden mahaiak egokitzea haientzat.