30 urte beteko ditu aurten Zestoako Gaztetxeak, eta apirilerako eta maiatzerako urtemuga ospatzeko hainbat ekitaldi antolatu dute herriko gazte asanbladako kideek. Datorren ostiralean, hilak 12, bertso afariarekin hasiko dira urteurreneko ekitaldiak; Aitor Salegi, Jon Gurrutxaga eta Danel Olano bertsolariek kantatuko dute.
Larunbatean izango da egun nagusia. Bazkaria, mural pintaketa eta bertsio gaua egingo dituzte.
Hona hemen 30. urtemugako egitaraua, egunez egun:
- Apirilaren 12a, ostirala: Bertso afaria, Aitor Salegi, Jon Gurrutxaga eta Danel Olano bertsolarien eskutik.
- Apirilaren 13a, larunbata:
- "Gaztetxeak 30 urte" argazkia plazan, 13:00etan.
- Bazkaria, eta ondoren mural pintaketa, 14:30ean.
- Bertsio gaua eta ondoren DJ HGS, 22:30ean.
- Apirilaren 26a, ostirala:
- Bideoa eta mahai ingurua, 18:00etan.
- Ondoren, luntxa eta The Oiers taldearen kontzertua.
- Maiatzaren 2a, osteguna (santakutzak):
- Entsegua eta afaria, 20:30ean.
- Danborrada, 22:30ean.
- Maiatzaren 4a:
- Kontzertuak: Ezpalak, Polybius eta Rodeo.
Apirilaren 12ko bertso afarirako sarrerak salgai daude dagoeneko, 10 euroren truke, Portalen, Koioten eta AEK-n.