Gurutzeaga txirrindularitza proba jokatu zuten atzo, igandea, Zestoan, eta Limousin kartoiak-Oriako taldeko Eneko Arrospide nagusitu zen lasterketan. Arkaitz Garmendia izan zen helmuga pasatzen bigarrena, eta Markel Galparsoro sailkatu zen hirugarren postuan. Talderik onena, berriz, Limousin kartoiak– Oriako izan zen.
Lasterketaren seigarren edizioa izan zen atzo jokatutakoa, eta kadete mailako Gipuzkoako txirrindulariek parte hartu zuten bertan, hau da, 14-15 urte bitarteko gaztetxoek. 16:30ean hasi zen proba, Zestoako plazan, eta 18:00 aldera amaituzen 45 kilometro inguruko ibilbidea duen lasterketa, Gurutzeaga pilotalekuaren parean.