Bi autoren arteko istripua izan da gaur, asteazkena, Zestoako sarreran, GI-631 errepidean, Zumaiatik Zestoarako norazkoan. Ertzaintzak UROLA KOSTAKO HITZAri azaldu dionez, istripua 17:45 aldera jazo da, eta Ertzaintza bertaratu da ezbeharraren lekura. Ez da zauriturik izan, baina istripuaren ondorioz errail bat itxi behar izan dute. Uneotan Ertzaintza ari da trafikoa zuzentzen.