Dagoeneko eska daitezke Zestoan etxebizitzak alokatzeko dirulaguntzak. Zestoako Udalak gaur ireki du eskaerak egiteko epea, eta urriaren 1era arte egongo da zabalik. Dirulaguntzak honako kolektibo hauei zuzenduta daude, eta, beraz, horiek dira eskaera egin dezaketenak: 18 eta 35 urte bitarteko gazteak, mugikortasun urria dutenak, bananduak, 70 urtetik gorako herritarrak, alargunak eta seme-alabak beren kargura dituzten guraso bakarreko familiak. Kolektibo horietako norbanakoei alokairuaren zati bat ordaintzea da dirulaguntzen xedea. Orotara, 30.000 euroko diru partida bideratu du Zestoako Udalak alokairuaren laguntzetara.
Etxebizitzak alokatzeko dirulaguntza eskatu nahi dutenek oinarrietan zehaztutako agiriak aurkeztu beharko dituzte Zestoako Udaleko Gizarte Zerbitzuen bulegoan, aurrez hitzordua hartuta. Dirulaguntzaren zenbatekoa eskatzaileen diru-sarreren araberakoa izango da, eta honako hauek dira ezarritako baremoak:
- 0 euro eta 15.000 euro artean: alokairuaren %50 ordainduko zaio.
- 15.000 euro eta 21.000 euro artean: alokairuaren %40 ordainduko zaio.
- 21.000 euro eta 30.000 euro artea: alokairuaren %30 ordainduko zaio.
- 30.000 euro eta 35.000 euro artean: alokairuaren %20 ordainduko zaio
2019ko dirulaguntzen deialdia, hemen.