Zestoako EH Bilduk datozen udal hauteskundeen inguruko batzarra egingo du asteazkenean. Hautes-zerrendaren osaketa, herri programa, hurrengo asteetan egingo dituzten tailerrak eta maiatza bitartean egin beharreko lanak izango dituzte hizpide bilkuran. Koalizioak 19:00etarako jarri du hitzordua, Zestoako Kultur Etxean.
Behin batzarra eginda, programa osatzeko herritarren ekarpenak jaso nahi ditu EH Bilduk, eta horretarako lau tailer antolatu ditu.
Honako hauek dira tailerrak:
Apirilak 2, asteartea. Eredu sozioekonomiko herrikoia izenburupean, 19:00etan, Kultur Etxean.
Apirilak 4, osteguna. Zestoa berdintasunerantz izenburupean, 19:00etan, Kultur Etxean.
Apirilak 9, asteartea. Azpiegitura publikoak eta etxebizitza politikak izenburupean, 19:00etan, Kultur Etxean.
Apirilak 11, osteguna. Udala eta herrigintza, 19:00etan, Kultur Etxean.