Zestoako 41. Herri Lasterketa jokatu dute gaur, eta Elorrioko (Bizkaia) Aitor Mimenzak eta Maider Korta azpeitiarrak irabazi dute proba nagusia (8.630 metro). Mimenza aise gailendu da gizonetan; proba guztian zehar aurretik joan da, alde handiarekin, eta 28:27 denbora behar izan du helmugara iristeko. Haren atzetik, Hernaniko (Gipuzkoa) Ibai Alba sailkatu da, 29:39 denborarekin, eta hirugarren postuan, Mikel Garate azkoitiarra (30:42). Emakumeetan, berriz, 36:07 denbora behar izan du Kortak helmugara iristeko. Usurbilgo (Gipuzkoa) Izadi Azkonobieta izan da bigarrena, 36:46 denbora eginda, eta hirugarren postua Mari Carmen Seijas azkoitiarrak eskuratu du (37:38).
Proba laburra ere jokatu dute, 2.770 metrokoa, eta Lazkaoko (Gipuzkoa) Adrian Pajares (08:51) eta Ainara Tena (10:52) azpeitiarra izan dira azkarrenak. Gizonetan, Arrasateko (Gipuzkoa) Unai Ibarra (08:57) izan da bigarrena, eta Zaldibarko (Bizkaia) Amine Haissouf (09:05) hirugarrena. Emakumeetan, berriz, Sara Mancisidor (11:11) zumaiarrak eskuratu du bigarren postua, eta Eneritz Aramendi (11:17) azpeitiarrak hirugarrena.
Helduen lasterketen aurretik, haurren eta gaztetxoen txanda izan da, eta jende ugari animatu da korrika egitera. Hona hemen gaztetxoen sailkapenak, mailaz maila:
Benjamin mutilak
1. Harriet Ugarte (Zestoa)
2. Araiz Urrestilla (Azpeitia)
3. Jokin Zigaran (Zestoa)
Lehen herritarra: Eneko Albizu
Benjamin neskak
1. Maddi Plazaola (Zestoa)
2. Paula Calvo (Elgoibar)
3. Ilargi Galeano (Elgoibar)
Lehen herritarra: Haizea Plazaola
Kimu mutilak
1. Jokin Maiz (Azpeitia)
2. Enaitz Aierbe (Ataun)
3. Kepa Urbieta (Zumaia)
Lehen herritarra: Oihan Lizarburu
Kimu neskak
1. Jone Sudupe (Azkoitia)
2. Nerea Garate (Elgoibar)
3. Nere Arregi (Elgoibar)
Lehen herritarra: Añes Ruiz
Infantil mutilak
1. Aimar Lizaso (Zestoa)
2. Oier Larrañaga (Azpeitia)
3. Oihan Aramendi (Azpeitia)
Lehen herritarra: Enaitz Irure
Infantin neskak
1. Ane Martin del Campo (Tolosa)
2. Julene Arriaga (Durango)
3. Uxue Ortega (Azpeitia)
Lehen herritarra: Sara Lizaso
Gaurko probetan hartutako irudiak dira honako hauek:
[flickr_set id="72157690463527093"]