Zestoako Txoko Feministak, Gazte Asanbladak eta Kalera Kalera dinamikak antolatuta, Iñaki Egaña historialariak Herria jopuntu zuten kolpeen testigu isilduak hitzaldia eskaini zuen atzo Portale kultur elkartean, dozenaka lagunen aurrean. Euskal Herriko tortura kasuak izan zituen hizpide Egañak, eta azpimarratu zuen Euskal Herriaren hurbileko historiako "giza eskubideen bortxaketa masibo handiena" izan dela. Era berean, torturak Zestoan izan duen eraginaz ere aritu ziren hizketan, eta horretarako, Ixiar Arrizabalaga eta Mitxel Igarataundi zestoarrek beraien testigantzak plazaratu zituzten.
Argazkiak: Portale kultur elkartea