Martxoaren 8an, ostiralean, egingo duten greba feministan askotariko ekintzak izango dira goizetik gauera Zestoan, eta besteak beste, batukada egingo dute herriko kaleetan zehar, Txoko Feministak antolatuta. Hain zuzen ere, taldearen asmoa da batukadan ahalik eta herritar gehienak elkartzea, eta horretarako dei egin die guztiei. Egitasmoa prestatzeko, gainera, entsegua egingo dute bihar, asteazkena. 21:30ean bilduko dira, Kultur Etxean.
Batukadaz gain, mural margoketa, kazerolada, elkarretaratzea, bazkari eta afari autogestionatuak, solasaldiak edota tailerrak egingo dituzte egunean zehar. Zestoako eta eskualdeko gainontzeko herrietako egitarau osoa hemen irakur daiteke.