Datorren ostegunean, otsailaren 21ean, Fakirraren ahotsa eleberria izango du hizpide Zestoako Irakurle Taldeak. Ohi bezala, Kultur Etxean bilduko dira, 18:30ean. Bertan izango da Harkaitz Cano liburuaren egilea, eta Danele Sarriugarte idazleak dinamizatuko du saioa.
Bospasei urte egin ditu Canok nobela hori osatzeko lanetan: Imanol Larzabal kantaria oinarri hartu, eta hura ezagutu zuten 30 lagun elkarrizketatu ondoren, joan den urtearen amaiera aldera atera zen azkenik argitara eleberria.