Herriko merkataritza bultzatzeko helburuarekin, Zestoan merkatari elkarteak 400 erosketa poltsa berrerabilgarri banatuko ditu. Erosketarik onena? Zestoan egindakoa! leloa dute poltsek, eta familia bakoitzeko bat banatuko dute. Otsailean hasiko dira banatzen, eta poltsak agortzean amaituko da banaketa. Egitasmoaren helburua da erosketak Zestoan bertan egiteak duen garrantzia aldarrikatzea. Denda guztiek parte hartu dute kanpainan, eta Eusko Jaurlaritzak eta Zestoako Udalak diruz lagundu dute egitasmoa.