Arroan ere kantu giroan hasi dituzte Eguberriak

Dozenaka arroar elkartu dira gaur Gabon eskean. Abenduaren 24a da gaur, Gabon bezpera, eta gaurko egunez, ongietorria egin diete Eguberriei Arroagoiko nahiz Arroabeko bizilagunek.  Usadioari jarraituz, Gabon eskean aritu dira haur zein heldu goizetik arratsaldera. Kuadrilla dotorea elkartu dira aurten, eta giro ederrean ibili dira Gabon kantak abesten, etxez etxe zein baserriz baserri.