11:00etan izango da tailerra liburutegian, eta bertan ariketa sozialari buruzko informazioa emango dute. Txapak ere zapatuan jaso ahal izango dira, 12:30etik 14:00etara eta 19:00etatik 20:00etara plazan. Euskaraldian izena emateko aukera ere izango da.
Itxaropena dantza taldeko kideek ere bat egin dute Euskaraldiarekin. (Itxaropena)
Euskaraldian parte hartuko duten herritarrentzat tailerra izango da datorren larunbatean, azaroaren 17, Zestoan. 11:00etan egingo dute saioa, liburutegian, eta bertan azaroaren 23tik abenduaren 3ra bitartean Euskal Herrian egingo duten ariketa sozialaren inguruko azalpenak emango dituzte.
Tailerra bukatzean, txapak jasotzeko aukera izango da; hain zuzen ere, 12:30etik 14:00etara eta 19:00etatik 20:00etara jaso ahal izango dira txapak, plazan. Euskaraldiko talde eragileko kideek azaldu dutenez, norbanakoek beste pertsona batzuen txapak ere jaso ahal izango dituzte, beti ere horien izen-abizenak jakinarazita.
Zestoan, gaur-gaurkoz 467 herritarrek eman dute Euskaraldirako izena, baina inskribatu ez denak oraindik ere izango du horretarako aukera: larunbatean txapak jasotzeko jarriko duten mahaian eman ahal izango da izena.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide