Eduki hau partekatzeko esteka arbelera kopiatu da.
Zestoako Iraeta auzoan dagoen tren txikien zirkuituan Trenen IV. Topaketa egin zuten atzo. Iraetako Trena elkarteak antolatutako egun guztiko ekitaldian tren txikien zaletu batzuk elkartu ziren, eta zirkuituan ibili ziren bueltaka beren trenekin. Horiez gainera, bertaratutako ume zein helduek tren txikian ibiltzeko aukera izan zuten. Zestoako Udalaren laguntzarekin egin dute topaketa.