Txostenaren aurkezpenarekin gasteko, EBren jatorriaz mintzatuko dira Askapenako kideak. "Europako Batasunak kapitalarekin eta burgesiaren klase-interesekin duen lotura hertsia ikusiko dugu", azaldu dute. Ondoren, EBk azken krisi ekonomikoari nola erantzun dion aztertuko dute, barne eta kanpo politikei erreparatuta. "Azkenik, gaur egun bloke ideologiko historikoek zer jokabide duten analizatu, eta ondorio eta proposamen batzuk aurkeztuko ditugu", jakinarazi dute Askapenako kideek.
Erakunde internazionalistaren xedea da Europar Batasunaren inguruko eztabaida sustatzea. Azpimarratu dutenez, "ezinbestekoa delako Euskal Herrian hainbeste eragiten digun instituzioaz mintzatzea, gure ingurua aldatu ahal izateko eta gaurdanik hartu beharreko jarrerak eta posizioak zehazten joateko".