Eduki hau partekatzeko esteka arbelera kopiatu da.
Voltaia eta Fetitxe musika taldeek kontzertuak eman zituzten joan den larunbatean Zestoako Gaztetxean. Zumaiako stoner-rock hirukotea da Voltaia, eta talde horrek labetik atera berri duen Erortzen diskoa aurkeztu zuen. Joan zen otsailean atera zuten argitara Erortzen, eta aurkezpen bira egiten ari da Euskal Herriko hainbat txokotan. Arrigorriagako Fetitxe taldekoek, berriz, rock doinuak plazararatu zituzten Gaztetxeko oholtzan. Zestoako Gaztetxeak nabarmendu duenez, "gau ederra" izan zen larunbatekoa.
Horrez gain, Gaztetxeak jakinarazi du asteburuan Beasaingo Gaztetxe Topaketetan izango direla, eta hara joan nahi duenak asanbladako jendearekin harremanetan jarri behar duela.