40. edizioa beteko du lasterketak martxoaren 18an, eta haren sorreran aritu ziren hiru lagun horiei esker ona adieraziko diete egungo antolatzaileek.
Hilaren 18an, igandez, jokatuko dute aurtengo Zestoako Herri Krosa. Izena emateko epeak irekita jarraitzen du herrikrosa.eus webgunean, lasterketa luzerako zein laburrerako; bietan, hilaren 16an bukatuko da epea.
Edizio berezia izango da aurtengoa. Izan ere, 40. urteurrena beteko du Zestoako Herri Krosak. Hori dela eta, Zestoako Atletismo Taldeko antolatzaileek krosaren egun berean hiru lagun omenduko dituzte: Iñaki Irureta Triku, Jexux Goikoetxea Fati eta Jexux Izeta Koiote zena. Hiru horiek izan ziren duela 40 urte Zestoako lasterketa herrikoia martxan jarri zutenetakoak, eta egungo antolatzaileek esker ona adierazi eta aitorpena egingo diete martxoaren 18an.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide