Aitzol Atutxa 'Atutxa II'.a eta Julen Alberdi 'Txikia IV'.a ariko dira lehian Eneko Otañoren eta Juan Jose Azpilikuetaren aurka. Era berean, Errota Harri harrijasotze txapelketa ere jokatuko dute. Iraetako pilotalekuan izango da herri kirol saioa, 17:30ean hasita.
Eneko Otaño aizkolaria igandean Beizaman jokatutako saioan. (Ihintza Elustondo)
Urrezko Binakako Aizkolari Txapelketa Eusko Label Sariko jardunaldia jokatuko dute igandean Iraetan, Santa Ines jaietako egitarauaren barruan. Aitzol Atutxa Atutxa II.a dimarra eta Julen Alberdi Txikia IV.a azkoitiarra ariko dira lehian Eneko Otaño beizamarraren eta Juan Jose Azpilikueta lezaundarraren aurka. Sei izaeratako 24 enbor ebaki beharko dituzte aizkolariek.
Atzo jokatu zuten txapelketako bigarren jardunaldia Beizaman, eta laugarren saioa izango da Iraetakoa. Zazpi bikote ari dira parte hartzen lehian, eta jardunaldi guztiak jokatzean, puntuazioaren arabera, hiru bikote sailkatuko dira Urrezko Binakako Aizkolari Txapelketaren finalera; martxoaren 4an jokatuko dute Azpeitian.
Era berean, Errota Harri harrijasotze txapelketa ere jokatuko dute igandean. Jokin Eizmendi zarauztarra, Jon Gisasola mallabiarra, Imanol Albizu Goikoetxe elgoibartarra, Xabier Peñagarikano aizarnazabaldarra eta Beñat Telleria urnietarra lehiatuko dira. Errota Harria hiru minutuko txanda bakarrean altxatu beharko dute.
Iraetako pilotalekuan izango da herri kirol saioa, 17:30ean hasita.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide