Hilaren 15era arte aurkez daitezke lanak. Horiek jaso ondoren kontratazio mahaia bildu eta esleipen prozedura martxan jarriko dute. Martxoa amaierarako obrak hastea aurreikusten dute.
Zestoako liburutegi aurreko aldapan egingo dute igogailua. (Danbolin.eus)
Urtarrilaren 15ean amaituko da Alonderoko aldapako igogailu publikoko lanak egiteko proposamenak aurkezteko epea. Lanak jaso ondoren kontratazio mahaia bildu eta esleipen prozedura martxan jarriko dute.
Danbolinek jakinarazi duenez, lanak egingo dituen enpresaren hautaketa hiru fasetan banatuko dute. Lehen fasea urtarrilaren 22an hasiko da eta baldintza administratiboak hartuko dira kontuan. Hilaren amaieran, berriz, bigarren faseari ekingo diote proposamen teknikoak ebaluatuz. Esleipenaren azken zatian proposamen ekonomikoak aztertutako dira. Prozedura hori amaitu ostean, puntuazio altuena lortu duen enpresa udal batzarrari aurkeztuko zaio.
Otsail amaierarako esleipen prozesua amaitzea aurreikusten du Gorka Unanue EAJko hirigintzako zinegotziak. Obrak egingo dituen enpresa hautatutakoan hainbat agiri aurkeztu beharko ditu hark udalean lanak hasi baino lehen. Obra guztiaren kostua 312.946,63 eurokoa izango da BEZa barne, eta martxoa amaierarako hastea aurreikusten dute. Unanueren arabera, lanak bost hilabete barru amaituta izatea espero dute.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide