Gaur hasiko da Zestoako Jubilatuen Astea

(Argazkia: Danbolin) Zestoako Gurutze pentsiodun eta jubilatuen elkarteak egitarau zabala antolatu du Jubilatuen Astea ospatzeko. Gaurtik igandera bitartean, honako ekitaldiak egingo dituzte: Gaur, astelehena: Bingo saioa, sari bereziekin, ohiko orduan. Bihar, asteartea. Punttu eta eskoba txapelketak, Gisasola egoitzan, 17:00etan. Azaroak 30, osteguna. Museko eta seiko urreko txapelketak, San Juan egoitzan, 17:00etan. Abenduak 1, ostirala. Tortilla pintxoak eta gaztaina erreak dastatzeko aukera jubilatuen elkartean, 18:00etan. Abenduak 2, larunbata. Bide Osasuntsua ibilaldia. 10:00etan kiroldegiko aterpetik abiatuko dira, eta, ondoren, pintxo dastaketa egingo dute, toki berean. Abenduak 3, igandea. Ohiko elkarte bazkaria, Bainuetxean. Aurretik, 12:00etan, hilberrien  aldeko meza izango da. Izena emateko epea saioak hasi baino ordu erdi lehenago itxiko da.