Zestoako Erralla bertso eskolan izena eman daiteke oraindik

(Argazkia: Erniarraitz) Datorren asteartean –urriak 10– hasiko dira gaztetxoen bertso eskolak, Zestoako Erralla bertso eskolan. Aurten, astearteetan izango dira saioak, 17:30etik 18:30era bitartean, Kultur Etxean, eta irakasle lanetan Maialen Velarde bertsolaria ariko da. Asteroko ordubeteko saioaz gain, urte osoan ekintza ugari antolatzen ditu Erniarraitzek bertso eskoletako gaztetxoekin: Lasturren asteburu pasa, Gipuzkoako Bertso Eskolen Egunera irteera, Eskolarteko saiora irteera, herrien arteko topaketak, gaztetxoentzat jolas saioak, bertsolarien bisitak… Oraindik zabalik dago bertso eskolan izena emateko epea: erniarraitz@gmail.com helbidera idatzita, 637 758 734 telefono zenbakira deituta, edo datorren asteartean 17:30ean Kultur Etxera joanda eman daiteke izena. Ikasleek ordaindu beharreko kuota hilean hogei eurokoa izango da.