Jose Luis Frantzesenak eta Arantxa Sagartzazuk eskainiko dute emanaldia. 12:00etan ohiko Meza Nagusia izango da, eta haren aurretik eta ondoren zenbait pieza joko dituzte.
Zestoako parrokiako organoa eraberritu dute aurten, eta hori ospatzeko, kontzertu berezia izango da igande honetan, irailak 3, Jose Luis Frantzesena azpeitiarraren eta Arantxa Sagartzazu zestoarraren eskutik. 12:00etan ohiko Meza Nagusia izango da parrokian, eta horren aurretik, 11:30 inguruan, bi pieza interpretatuko dituzte: Bachen Tocatta eta Fuga Re txikian eta Vivaldiren eta Bachen II. Kontzertua Re txikian. Mezaren ondoren, berriz, beste hiru pieza joko dituzte: Giazotoren eta Albinoniren Adagio, Guridiren Itsasoan gaiarekin jolasak eta egile beraren Baserria (2.ekitaldia) eta Preludioa.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide