Asteasun izango da lehia, 12:00etan hasita. Lau segalari ariko dira nor baino nor, eta ordubete izango dute ahalik eta belar gehien ebakitzeko.
Iban Pardo. (Danbolin.eus)
Euskal Herriko Sega Txapelketaren finala izango da igandean, Asteasun (Gipuzkoa), 12:00etan hasita, eta Iban Pardo (Zestoa, 1981) izango da finalean ariko den segalarietako bat. Julen Gabirondo Izeta, Jesus Mari Ormaetxea Urki eta Jokin Etxeberriarekin neurtuko ditu indarrak zestoarrak. Ordubetean egingo dituzte lanak segalariek, eta belar kilo gehien ebakitzen duenak jantziko du Euskal Herriko txapela.
Aian jokatutako finalaurrekoan lortu zuen finalerako txartela Pardok. Uztailaren 9an, berriz, Gipuzkoako Sega Txapelketa izan zen Asteasun, eta han hirugarren egin zuen zestoarrak. Final hura jokatu eta egun gutxira elkarrizketa egin zion UROLA KOSTAKO HITZAk segalariari, eta honako lotura honetan irakur daiteke elkarrizketa osoa.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide