Kadete mailako bikoteak irabazi bazuen ere, jubenil eta senior mailetan galdu egin zuten zestoarrek. Datorren asteburuan jokatuko dituzte itzulerako partidak Oñatin.
Zestoak atzo jokatu zituen joaneko partidak Zestoako kiroldegian. (Danbolin.eus)
Atzo jokatu zituen Zestoak 50. Gipuzkoako Herriarteko Txapelketako joaneko partidak, Zestoako kiroldegian, 19:30ean hasita. Oñatiren aurka neurtu zituzten indarrak zestoarrek, eta 2 eta 1 gailendu ziren oñatiarrak. Kadete mailan, 22-5 irabazi zuten Odriozolak eta Salegik, baina gainontzeko bi partidak galdu egin zituzten zestoarrek: 0-22 galdu zuten jubenil mailako Olaizolak eta Zunzunegik, eta 13-22 senior mailako Adonisek eta Salegik.
Azkoitiak, Azpeitiak eta Zumaiak ostiralean jokatu zituzten Herriarteko Txapelketako joaneko partidak. Azkoitia 1 eta 2 nagusitu zitzaion Asteasuri, Azpeitiak 3 eta 0 irabazi zion Tolosari, eta Zumaiak 1 eta 2 galdu zion Astigarragari.
Orio, berriz, kaleratu egin zuten joan den astean.
Ikusi atzoko irudi gehiago Danbolin.eus atarian.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide