Sarek antolatutako manifestazioa izango da Bilbon larunbatean, Euskal presoak Euskal Herrira lemapean, eta, bertara joateko, autobusak antolatu dituzte.
Zestoako Gurutzetik 15:30ean irtengo dira autobusak, eta zerbitzu hori erabili nahi dutenek, Koiote eta Fati tabernetan dute izena emateko aukera.
Azpeitian, berriz, mobilizaziora joateko autobuserako izen-emate orriak Izaro, Pastorkua eta Orkatz tabernetan daude. Autobusa 16:00etan irtengo da anbulatorio aurretik.
Azkoititik ere irtengo dira autobusak. 15:30ean Eroski txiki aurretik abiatuko dira, eta izena honako taberna hauetan eman daiteke: Zakelan, Ttakunen, Etxe Aitzen eta Txalintxon.
17:30ean hasiko da manifestazioa Bilboko La Casillan, eta manifestazioa amaitzean izango da itzulera.