Lasaoko gasolindegiaren ondoan jazo da istripua, 22:00ak pasatxoan. Bi ibilgailuk aurrez aurre egin dute talka, eta pertsona bat autoan harrapatuta gelditu da. Hiru lagun ospitalera eraman dituzte, zaurituta.
(Argazkia: Bonberos Euskadi)
Bi ibilgailuren arteko istripua izan da Azpeitia eta Zestoa artean, Lasaoko gasolindegiaren ondoan, GI-631 errepideko 10. kilometroan. Auto batek eta furgoneta batek aurrez aurre talka egin dute, eta hiru lagun ospitalera eraman dituzte, zauriekin. Zaurituetako bat Orioko bizilaguna da.
Istripua 22:00ak pasatxoan jazo da, eta Ertzaintza eta Azpeitiko nahiz Zarauzko suhiltzaileak bertaratu dira istripuaren tokira. Izan ere, pertsona bat ibilgailuan harrapatuta gelditu da eta suhiltzaileek atera dute.
Istripuaren ondorioz, errepidea itxi egin dute, eta trafikoa desbideratzen ari dira.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide