Bihar zabalduko dute Zestoako Gaztelekua

Zestoako Gaztelekuko irudi bat. (Zestoako Gaztelekua) Bihar, larunbata, ekingo diote Zestoako Gaztelekuan ikasturte berriari, ohiko ordutegiarekin. Ostegunetan, 16:30etik 19:00etara bitartean zabalduko dute, 3.zikloko ikasleei zuzenduta. Ostiral eta larunbatetan, berriz, 16:00etatik 19:30era bitartean irekiko dute, DBHko ikasleei zuzenduta. Gaztelekutik haur eta nerabeen parte hartzea sustatu nahi dute, eta, horregatik, urrian zehar, erabiltzaileen proposamenak jasoko dituzte: Gaztelekuan eta kalean egin nahi dituzten ekintzak, irteerak eta bestelako proposamenak bilduko dituzte. Honako hau da urriko egitaraua: -Urriak 1: Altxorraren bila. -Urriak 6: Proposamenak jasoko dituzte. -Urriak 7: Itxita egongo da. -Urriak 8: Proposamenak jasoko dituzte. -Urriak 13, 14 eta 15: Jolas librea. -Urriak 20: Itxita egongo da. -Urriak 21: Dixit. -Urriak 22: Billarra. -Urriak 27 eta 28: Gatzaren eskulana. -Urriak 29: Itxita egongo da.