Mendi Astea egingo dute Zestoan, Agirok antolatuta

Zestoako Agiro Mendi Klubak Mendi Astea antolatu du datorren asterako. Astelehenean hasi eta igandera arteko egitaraua prestatu dute mendizaleek. Hitzaldiak, mendi irteera eta umeentzako eskalada tailerra antolatu ditu Agirok datorren asterako. Astearteko emanaldia herriko Espeleologia taldeak antolatuko du, eta Zestoa inguruko paisaiez hitz egitea dute helburu. Bestalde, Koldo Ruiz zestoarrak Txinako Muztagh Ata mendira (7.546m) egindako igoeraz hitz egingo du. Mendi Asteko ekitaldiak hurrengo igandean bukatuko dira, Ertxiñara antolatutako irteerarekin.

Egitaraua

Astelehena, azaroak 16 17:00-19:00. Umeentzako eskalada saioa kiroldegiko rokodromoan. Asteartea, azaroak 17 20:00. Begiak lur azpian emanaldia, Jubilatuen tabernan. Asteazkena, azaroak 18 17:00-19:00. Umeentzako eskalada tailerra rokodromoan. Osteguna, azaroak 19 20:00. Muztagh Ata-ra egindako igoeraz arituko da Koldo Ruiz, Jubilatuen tabernan. Igandea, azaroak 22 Ertxiña mendira irteera.