Prentsa oharrean aurten izandako bizpahiru gertaera nagusi azpirratu ditu EH Bilduk. Batetik, Joxe Mari Kortaren oroimenez —ETAk bonba-auto batekin hil zuen 2000ko abuztuaren 8an— udalak egindako oroimen ekitaldia, eta bestetik, irailaren 4an, Iñigo Urkullu Eusko Jaurlaritzako lehendakariak, biktimen herrietako alkateekin izandako bilera. Jaurlaritzak prestatutako biktimen herriz herrikako maparen aurkezpena azaldu zien orduan udal ordezkariei. Zestoako bost biktima daude txostenean, Joxe Mari Korta eta Xabin Etxaide tartean, ondorioz, "ulergaitza" eta "larria" jo du koalizioak Etxaideren hilketaren urtemugan izandako Zestoako udal gobernuak izandako jarrera.
Hori dela eta, "arduraz" jokatzeko eskatu dio EH Bilduk Zestoako alkateari. "Gure ustez, erakunde publiko batek, Zestoako kasuan bezala, behin urratsa emanda, inongo biktimarik baztertzea ez da onargarria eta iraganeko zauriak era duin batean orbandu nahi badira, alkateari falta izan zaion nortasunaz eta ausardiaz jokatzeko eskatzen diogu".