"Hiru Udalek dolumina eta elkartasuna adierazi nahi diete gaur goizean, Zestoako jaietatik bueltan, hil diren hiru gazteen familiei eta ingurukoei. Horrez gain, zaurituta dagoen gaztea azkar osa dadila espero dugu.
Bestalde, hiru Udalek nahigabea sentitzen dute azken asteetan izandako heriotzengatik: Huescan hildako azpeitiarraren heriotzagatik, moto istripu batean hildako azpeitiarrarengatik eta trenak harrapatutako zestoarrarengatik. Uda bukaera tragikoa ari da izaten eskualdean, eta guztiei helarazi nahi zaie auzo-mezu bat, doluminak emateko.
Azpeitiko eta Errezilgo Udalek dolu eguna dekretatu dute, eta Zestoakoak gogoan izango ditu hildakoak isiltasun minutu batekin. Azkenik, adierazi nahi dugu udalak harremanetan jarri direla, pertsonalki, hildakoen familiekin atsekabea adierazteko eta, behar izanez gero, laguntza eskaintzeko".