Patanen Jaitsiera egin dute lehen aldiz Zestoan,
Amabirjin jaien baitan, eta zeharo arrakastatsua izan da ekitaldia. 18 baltsek parte hartu dute proban, eta ehundaka pertsonak animatu dituzte parte-hartzaileak Urola ibaiaren inguruetan.
Arocena hotelaren atzetik abiatu dira patanak, eta Lau Iturriko zubi azpian bukatu dituzte lanak. Han, joko bat jarri diete antolatzaileek: barruko arropak busti; eta, haiek bihurkatuta, ontzi bana bete dute urez taldeek. Giro eta umore onarekin ospatu dute herriko patanen festa.