Zestoako Gisasola egoitzan ospakizunetarako daude. Isabel Iribar Elorza bizilagunak 100 urte bete ditu, eta festa antolatu dute iganderako. 17:00etan, Martzel magoaren ikuskizunarekin hasiko dituzte ospakizunak egoitzan bertan, eta jakinarazi dutenez guztiak daude gonbidatuta. Iribarri omenaldia 18:00etan egingo zaio eta 19:00etatik aurrera musikak hartuko du lekukoa Bonkora taldearekin.
Iribar zestoarra da jaiotzez, baina urte askoan Donostian bizi izan da, hiriburua hartuz «etxetzat». Izan ere, ile-apaintzailea izan da ofizioz, eta Donostian gauzatu du ogibidea. Gisasola egoitzan emakume «borrokalari» eta «indartsu» gisa definitzen dute, «izaera berezikoa». 2007ko irailetik bizi da Zestoako Gisasola egoitzan.