Bilboko Guggenheim museoa bisitatzeko aukera egongo da ekainaren 13an, larunbatean, Zarauzko Emakume Etxeak antolatu duen irteerari esker. Bertan, arte garaikideaz gozatzeko aukera egongo da, Maria Jose Aranzasti arte-historialari eta erakusketa-komisarioren eskutik. Aranzastik bisitariei Ruth Asawa (atzera begirakoa) eta Igshaan Adams (hautsa altxatzen: gorputzaren artxiboa) museoko aldi baterako bi laginen azalpenak emango dizkie.
Irteera 08:45ean izango da, Zarauzko autobus geltokian. Itzulera, berriz, 14:00etan izango da. Interesdunek https://forms.gle/zrdBokkUFqoRDDLYA galdetegia osatuz eman beharko dute izena. Garraioa eta museorako sarrera bisitari bakoitzaren kontura izango da, eta sarreren prezioa 9 eta 18 euro bitartekoa da. Autobuseko lekua ziurtatzeko helburuarekin, antolatzaileek autobus-txartela aldez aurretik erostea gomendatzen dute.