Boluntarioz osatutako Zarauzko Zingira Babes Zibila taldeak herritarren segurtasuna bermatzeko eta larrialdiei aurre egiteko hainbat ekintza egin ohi ditu urtean zehar. Konpromiso horren haritik, Lehen Sorospenen ikastaroak ematen ari da orain Zarautz Kirol Elkarteko entrenatzaileei.
Eusko Jaurlaritzaren eskariz datorren formazioa da honakoa, eta sei orduko ikastaroak ematen ari dira, Bihotz Biriken Berpizketa eta Desfibrilagailuen erabilera ikas dezaten. Egitasmoaren helburua da gure gazteen eta ingurukoen osasuna eta segurtasuna indartzea. Dagoeneko 50 entrenatzaileri eman diete formazioa, eta pixkanaka-pixkanaka entrenatzaile guztiak trebatu nahi dituzte.