Hegoaldeko Salberdingo urbanizazio lanen barruan, Araba eta Aitze kaleen artean biribilgunea eraikitzeko lanak egingo dituzte aste honetan. Hori dela eta, bihartik hasi eta ekainaren 5era bitartean bi kaleen arteko bidegurutzea itxita egongo da trafikoarentzat. Lanek astebeteko iraupena izango dute, eta epe horretan inguruko garajeetarako sarrera-irteerak baimenduta egongo dira.
Informazio gehiagorako eta zalantzak argitzeko, herritarrek Zarauzko Udaltzaingoarekin harremanetan jar daitezke, 943-00 51 15 telefono zenbakira deituta.