Zainetatik zilarra poema bildumaz solasean ariko dira gaur Garoa liburu dendan, 18:30ean. Liburuaren egilea den Nahia Intxaustik proiektuaren aurkezpena egingo du, Olatz Mercaderrek lagunduta.
Norbere gorputza biziberritzeko zeharkaldian izandako elkartze eta ez-elkartzeak jasotzen ditu Intxaustik bertan, natura baliabide gisa erabiliz. Poema liburua ondokoen babesarekin norbera biltzera egiten den bidaia bat da, baina, halaber, piztia bihurtzeko keinua ere bada, gaixotasunaren ikusezintasuna, eta gorputzekiko presio soziala eta kontrola borrokatzeko kanporantz irekitzen den kontakizun partekatu eta errebeldea.