Ikusgai dago jada Ipar kaleko Lukas ardotegian aldi baterako erakusketa berria. Hain zuzen, Idoia Rodrigo zumaiarraren erretratuak daude zintzilik ardotegian, bertara joaten den edonoren gozamenerako.
Erretratuak marraztu ditu Rodrigok, denak ere estilo errealistarekin. Horiek guztiak oleo teknikaren bitartez egin ditu zumaiarrak, eta bakoitzari izenburua ere jarri dio, hala nola Bizitzaren jakinduria edo La vida es bella. Datozen asteetan ikusi ahal izango da erakusketa ardotegian.