Ekialde Urruneko zinemari buruzko ziklo berria hasiko dute gaur Photomuseumen, lehenengo saioarekin. Photomuseumek sustatutako eta Zarauzko Udalak babestutako Gela programaren barruko saioa izango da.
Lehenengo saioan, Asiako zinema klasikoaz hitz egingo dute, XX. mendearen hasierako testuinguru sozial eta historikoaz. Garaiko errealitate sozialaren gogortasuna, emakumearen egoera, pobrezia eta eguneroko bizitzako zailtasunak bereziki jorratuko dituzte.
18:00etan hasiko da saioa, eta sarrera doan izango da. Gainera, Photomuseumek aurreratu du proiekzioaren ondoren solasaldia egingo dutela, publikoaren parte hartzea sustatuz.