Haurrentzako antzezlana ikusi ahal izango da igandean, hilaren 19an, Modelo aretoan: Xomorrotxoak. Antzerkia Familian programaren barruan, 16:45ean hasita eskainiko du ikuskizuna Spasmo Teatroak.
Angel Calvente zuzendariaren komedia lana da Xomorrotxoak. Antzerki dokumental formatuan, gure bizilagun ornogabe txikiak hobeto ezagutu eta haiek errespetatzen eta baloratzen ikasiko da. Antzezlanaren koloreak eta erritmoak harridura sortzen du eta, gainera, ingurumena zaintzearen garrantzia erakusten die haurrei.
Pasa den astean jarri zituzten antzerkia ikustera joateko sarrerak salgai, eta oraindik ere geratzen dira. Modelo aretoko leihatilan zein Kutxabank atari digitalean eskura daitezke, 5,25 euroan.