Lourdes Iriondo, ahots mezulari hitzaldi musikatua eskainiko dute bihar arratsaldean Sanz Enea liburutegian. Hain zuzen ere, 18:30etarako jarri dute hitzordua, eta hizlari moduan ariko dira Miren Narbaiza musikaria eta Alex Gurrutxaga zarauztarra.
Zehazki, Gurrutxagak musikari donostiarrari buruzko ikerketa liburua kaleratu du orain gutxi, 2023ko Aita Santi Onaindia beka eskuratu eta gero. Zarauztarrak Lorea Jainagarekin batera ondu du Lourdes Iriondo, bide urratzaile liburua, eta horren helburua izan da Iriondoren obra ikertzea, "ikertu gabe edo oso gutxi landuta" zegoelako.