Martxan da dagoeneko Lizardi Literatura Sariaren 45. edizioa. Sariak haur eta gaztetxoentzako literatura suspertzea du helburu, eta bi diziplinak urtez urte txandakatzen dira. Aurtengo edizioa haur literaturari zuzenduta izango da, hau da, 7 eta 12 urte arteko irakurleei.
Lanak uztailaren 10a bitartean aurkeztu daitezke, bai posta bidez, baita posta elektronikoz ere, oinarrietan aipatzen diren baldintzen arabera, betiere. Lanak jatorriz euskaraz idatziak izan beharko dute, originalak, argitaragabeak eta beste lehiaketetan saritu gabeak.
Partaide bakoitzak lan bat baino gehiago aurkeztu dezake, eta irabazleak 5.500 euroko saria jasoko du. Iazko edizioa irabazlerik gabe uztea erabaki zuen epaimahaiak, aurkeztutako lanek "sariketak urteetan izandako mailari eusteko beharrezko kalitaterik ez" zutelako. Hori dela eta, ez da aurten ohiko sari banaketa ekitaldirik egingo.