Musikazaleek hitzordua dute bihar eguerdian: Zarautz Kantuan kantujira egingo dute herrian barrena. 12:00etan jarri dute elkartzeko hitzordua, Lege Zaharren Enparantzan, eta kalez kale abesti ezagunak kantatuko dituzte.
Oraingoan, Hilario Epelde izango da zuzendari, eta Zarauzko txistulariak arituko dira musikari lanetan, eta herritar oro animatu dute kalejirara batzera.