Iritsi dira jada Arraio Irratiko kamisetak eta jertseak, eta eskaera egin zutenek ostegun honetan jaso ahal izango dituzte. 17:00etatik 19:00etara egongo da horretarako aukera, Hiruputzu gaztetxean.
Arraio Irratiak 20 urte beteko ditu maiatzean, eta horren harira, logo berria aurkeztu zuten iazko urte amaieran. Martin Agirrek diseinatuta. Hain justu, logo hori daramate jertseek eta kamisetek.
Hori horrela, Arraiok ohartarazi du ordainketa eskudirutan egin beharko dela: kamisetek 12 euro balio dute, eta jertseek 25 euro.