Handira jotzeko kazetaritza liburuaz mintzatuko da Martxelo Otamendi hilaren 15ean, 18:30ean, Pagoeta mendi elkartearen lokalean (Santa Marina kalea 2). Imanol Murua kazetari eta idazleak elkarrizketatuko du protagonista, Zirika euskara elkartearen eta Zarauzko Udalaren ekimenez antolatutako saioan.
Otamendiren biografia da Handira jotzeko kazetaritza, eta joan den urrian kaleratu zuen Garbiñe Ubedak. Liburuak modu kronologiko batean kontatzen ditu Otamendiren bizitzako garai ezberdinak; esaterako, txikitan gazteleraz hitz egiteko zuen ohituraz, euskaltzale bihurtzeko prozesuaz, euskaltegian eta telebistan egindako ibilbideaz hitz egiten du, baita Euskaldunon Egunkaria-n eta BERRIAn zuzendari modura egindako ibilbidea ere.