Hiruputzu gaztetxeak hardcore-punk doinu biziak eta gordinak ardatz dituen Dimoni Fest hartuko du datorren urtarrilaren 24an, larunbatarekin. Zarata Zarautz kolektiboak antolatu du jaialdia, eta ondorengo lau taldeak ariko dira zuzenean: 30. urteurrena ospatzen ari den Kataluniako E-150, Lasarteko Reclusion, Ondarroako Uther eta Leongo XgracitamoralesX.
Emanaldia 20:30ean hasiko da, eta kontzertuen ondoren festak aurrera jarraituko du 03.00 arte, DJ Katxopo eta Sinistra disko jartzaileen eskutik.
Sarrerak aldez aurretik eros aitezke 310 dendan eta zaratazarautz@arraio.net helbidera idatzita, 6 eurotan; pertsonako hiru sarrera salduko dituztela zehaztu dute antolatzaileek.